Macedonia News

By A Web Design

Во Канада ќе се слави Илинден како официјална државна прослава

Петок, 30 Јули 2010 21:32

Занимливости

Канада ќе го слави Втори август. Владата во Отава одлучила, досегашното празнување на македонската заедница да прерасне во официјална државна прослава.

По САД, Франција и Швајцарија, Македонија ќе се вклучи во редот на држави чии празници официјално се слават во Канада.

- Ова е резултат на политиката на Македонија со Канада и на градењето на взаемно добрите односи помеѓу двете држави. Во иднина очекуваме уште поголема поддршка на Канада за Македонија - вели Љубен Тевдовски, амбасадор на РМ во Канада.

За Македонија годинава ќе свири и кралската гарда облечена во свечени униформи и придружувана од традиционалните гајди. Во официјалната програма ќе биде вклучено и традиционалното менување на знамињата. Македонците во Канада оваа година празникот ќе можат да го прослават пред канадскиот парламент.

- Годинава Втори август ќе го прославиме пред канадскиот парламент, а оркестарот на Кралската гарда ќе свири македонски и канадски песни - додава Тевдовски.

Македонците во Канада славењето на празникот ќе го започнат ден претходно на први август. Во близина на Торонто и годинава ќе се соберат на пикник. На оваа заедничка дружба се очекува да се соберат неколку десетици илјади Македонци.

Website Design Brisbane