Macedonia News

Наезда на жаби во Струга

Недела, 25 Јули 2010 06:36

Занимливости

Веќе десетина дена во домовите на стружани се појавуваат жаби. Иако се мали по големина ги има на сите страни. Излегуваат од секаде, од секоја дупка на ѕидовите и дворовите.

Се појавуваат рано наутро и доцна навечер по заоѓањето на сонцето. Стружани раскажуваат дека вакво нешто не паметат 30 години. Доколку вратите се отворени ни  влегуваат во домовите, ги има многу и навистина не знаеме како да се справиме со оваа појава, раскажуваат стружани.
 „Ако може да се најде некое средство, да се најде некое чаре. Можеби не се опасни, мали се но вознемируваат. Скокаат упорно за да влезат и внатре. Излегуваат од сите страни и ги има најмогу на пониските места, пред вратите од подрумите. На почетокот се изненадив мислев дека е затоа што имаме канал покрај куќа, дека можеби е од тоа. Но, гледам дека секој ден проблемот е ист.“

 „Има. Секој ден ги има. Има и во дворовите“.

 „Навечер најмногу излегуваат бидејќи на сонце не се појавуваат. Мали се по големина, ептен се мали, ситни се многу. Се појавуваат покрај тревата и најмногу ги има после дожд кога времето е врнежливо. Друга година немало вакво нешто. Годинава ги има многу“.

И екологистите се изненадени од ваквата појава. Но, имаат неколку објаснувања.

Ова е резултат на излевањето на реката Црн Дрим во струшкиот дел. Знаеме дека Црн Дрим максимум што може да прими е од 60 до 80 метри кубни вода во секунда. Но, нивото се зголеми и повеќе 120 метри кубни вода. Причина се и подземните води кои се појавија, но и високите температури кои се појави во месец јули“. - Лазо Наумовски- екологист

Постарите жители по малку уплашени сметаат дека овој феномен би можел да биде предзнак за враќање на струшкото мочуриште. Од струшката локална самоуправа немаа одговор дали ќе преземат конкретни мерки за справување со напаста. Инаку, ваква појава деновиве е  регистрирана и во Преспа.

< Пред		Следно >