Macedonia News

Кесковски победник на интернационалниот Кендо куп „Трофеј Белград“

Понеделник, 14 Ноември 2011 21:11

Спорт

Владимир Кесковски член на македонската младинска кендо репрезентација го освои првото место на меѓународниот Кендо куп „Трофеј Белград“ кој се одржа во текот на изминатиов викенд. Кесковски до златото дојде со победи на сите седум борби.

Македонскиот кендо репрезентативец настапи и во сениорска конкуренција. Со шест победи стигна до четвртфиналето каде беше поразен. За одличниот настап тој е награден со одликувањето „Борбен дух“.

- Имав одличен ден и го дадов најдоброто од себе. Златниот медал и наградата за борбен дух, ги посветувам на иницијативата МАКЕДОНИУМ за зачувување на нашето име Македонија. Ние имаме дух, ние имаме сила, ние сме Македонци, изјави Кесковски.

Во престолнината на Србија се појавија 300 натпреварувачи од 10 држави.

Македонија на овој спортски настан беше преставувана од уште пет други репрезентативци. Во екипна конкуренција македонската репрезентација се пласира на 5-тото место.