Macedonia News

Гордан Георгиев: Груевски те тужи, Груевски те суди!

Вторник, 07 Февруари 2012 16:56

Македонија

Власта да излезе и јавно да ги соопшти имињата на поединците од опозцијата што предизвукувале инциденти, побара СДСМ преку потпретседателот Гордан Георгиев.

-„Одговорот го побара лично од премиерот Никола Груевски.Поминаа првите 24 часа а Никола Груевски се уште не соопшти кои се тие поединци во опозицијата кои според него предизвикувале инциденти.Наместо одговор како што му личи на одговорен политичар, тој го пушти својот портпарол кој вчера дополнително го заплетка својот шеф.

Тој јавно на мојата партија и на мене лично порача да не сум се секирал и дека непотребно сум го прашувал Груевски, бидејќи МВР ги барала поединците кои ги предизвикувале инцидентите.

Какво катастрофално признание! Значи, Никола Груевски јавно обвинува, посочува со прст, а Гордана Јанкуловска и МВР се' уште ги бараат сторителите!

Груевски те тужи, Груевски те суди!“ Рече Гордан Георгиев

„Тој јавно на мојата партија и на мене лично порача да не сум се секирал и дека непотребно сум го прашувал Груевски, бидејќи МВР ги барала поединците кои ги предизвикувале инцидентите. Какво катастрофално признание! Значи, Никола Груевски јавно обвинува, посочува со прст, а Гордана Јанкуловска и МВР се уште ги бараат сторителите! Груевски те тужи, Груевски те суди! После ова, природно се наметнува дилемата или Груевски е видовит или МВР не ги ни бара сторителите бидејќи трагите водат директно во ВМРО ДПМНЕ и ДУИ“, рече Георгиев.

„Една година ВМРО ДПМНЕ и ДУИ ги штитат предизвикувачите на инцидентот на скопското Кале, со месеци Никола Груевски ги крие фалсификаторите на пописот, со недели партиско полициските инсталации се прават слепи за вандалите во Струшко. Ако не е така, тогаш нека не демантира премиерот и нека каже кога Гордана Јанкуловска го повикала шефот на кабинетот на Али Ахмети во МВР, лично да и ги каже имињата на тие што наводно го контактирале? Дали им се земени искази на градоначалниците на ДУИ и ВМРО ДПМНЕ, Рамиз Мерко и Перо Илиевски? Господине Груевски, доста им е на граѓаните од Вашите лаги, поплаки, манипулации и лажен патриотизам“, рече Георгиев на денешната прес-конференција