Macedonia News

Кој е вмешан во аферата на Телеком

Понеделник, 06 Септември 2010 21:06

Македонија

Во Германија тамошното обвинителство покрена истрага против „Дојче телеком“ поради сомнение дека нејзината фирмата, Маѓар Телеком во 2005 година потрошила 7 милиони евра за поткуп на политичари и на високи владини службеници во Македонија и во Црна Гора.

Во извештајот за резултатите од внатрешната истрага за договорите во „Маѓар телеком“, објавен во декември 2009, стои дека за „несоодветни цели“, во Македонија и во Црна Гора се потпишани договори вредни околу 31 милион евра.

Од СДСМ, велат дека е точно тоа оти аферата е разоткриена кога на власт била оваа партија и дека затоа се заинтересирани за да се разјасни случајот но и дека исто така е точно оти сознанијата се однесуваат на многу подолг период порано, почнувајќи од контроверзната и проблематична приватизација на Телеком.

Од ВМРО ДПМНЕ пак велат, се е јасно, одговорите треба да се бараат во СДСМ

„Дали скандалот со префрлувањето на 120.000 евра од Телекомот на партиската фирма на ВМРО-ДПМНЕ „АНАЛИТИКО АИ“, во пресрет на изборите 2006 година, а во кој се инволвирани денешните најблиски соработници на премиерот, е дел од оваа афера за перење пари и второ колку оваа афера е поврзана со улогата и потписот на Груевски на приватизацијата на Телекомот во 2001 година?“ Зоран Јовановски, потпретседател на СДСМ.

„Шестте спорни договори за консултанстски услуги кои се предмет на истрага се токму од време на владеењето на СДСМ од 2004 до 2006 година, тогаш кога токму во бордот на директори Македонски телекомуникации членуваа луѓе делегирани од страна на СДСМ.

Имињата веројатно ви се познати и можам да ви ги кажам кој бил член на управниот одбор. Тоа се Дејан Мицковиќ претседател на бордот на директори и Ванчо Узунов, член на бордот на директори.“  Сашо Стефаноски, ВМРО – ДПМНЕ

< Пред		Следно >