Macedonia News

Целта на СДСМ „не е да ја вразуми, туку да ја симне власта

Среда, 01 Септември 2010 19:43

Македонија

Црвенковски на прес конференција со новинарите рече дека секој што тврди оти во 1994, 1995, 1996, 1997 или било која наредна година кога СДСМ бил на власт, им била дадена понуда за членствово НАТО и преговори со ЕУ под привремената референца, а тие ја одбиле, е ноторен лажго или тотален идиот.

-Ве молам прецизно да запишете и да пренесете: ноторен лажго или тотален идиот - додаде лидерот на СДСМ, Бранко Црвенковски во своето обраќање.

Ваквото тврдење е пропаганден проект што нема логика, рече тој.

Црвенковски побара да се проверат архивите во Владата, Претседателот на државата и во Министерството за надворешни работи за да се утврди веродостојноста на тврдењето.

Антонио Милошоски, македонскиот шеф на дипломатијата, смета дека ваквата изјава се однесува и на европратеникот Бернд Поселт, кој во Македонија изјави дека опозицијата не смее да оди во Брисел и да ја кодоши власта, туку треба да работи во интерес на својата земја.

- Ваквите навреди изнесени од страна на Црвенковски кон пратеникот Поселт, повеќе зборува за политичката некултура на Црвенковски отколку за пријателите на Македонија кои се залагаат во ЕП ние да го добиеме заслуженото внимание. Некои политичари во Македонија својата надменост и недостаток од аргументи се обидуваат да го компензираат со навреди кон други. Црвенковски со таквите изјави навредува еден човек, пратеник, германски политичар кој 16 години ја добива довербата од гласачите кои ги претставува во ЕП и кој е еден од најистканатите пријатели на земјава кој во секој свој настап се залага Макеоднија да ги започне преговорите за полноправно челнство во ЕУ - изјави Милошоски.

Дали Владата прави кампања со која сака да го убеди народот дека во 1995 година е пропуштена таа шанса? Црвенковски обвини дека за таа цел се прават наменски дебати од Павел Шатев и брифинзи од претседателот.

Министерот пак вели дека дебатата за 1995 година е тема којашто може да се согледа по развојот на настаните по 1995.
- За разлика од траекторијата којашто во 1995 и неколку години потоа ја развија Чешката Република, Словачка, Литванија, Полска, Унгарија, а подоцна и Романија и Бугарија коишто со трансформацијата на своите општества, демократизацијата и реформите како и политичкиот капитал кој го вложија во процесот на евроалатнско интегрирање, Макеоднија тие добри години на еден евроинтузијазам кој постоеше во ЕУ не ги искористи, односно ги пропушти - коментира шефот на македонската дипломатија.

Црвенковски најавува предвремени избори и вели дека ќе се интензираат активностите за смена на власта по одржувањето на ноемврискиот самит во Лисабон. Најави објавување на влада во сенка во моментот кога ќе има познат датум за одржување на парламентарни избори.

Според Црвенковски, целта на СДСМ „не е да ја вразуми, туку да ја симне власта“.

Милошоски врати - дали и кога ќе има избори одлучува македонското собрние. Следните избори се предвидени за 2012 година, освен ако за тоа поинаку не одлучат македонските парламентарците.

- Сметам дека навиката на Црвенковски сам да одлучува за некои работи во минатото можеби го тера и денес да најавува изборни циклуси согласно неговите желби и замисли- коментра Милошоски.

 

< Пред		Следно >