Macedonia News

Во Србија нападнат актерот и водител на А1 ТВ и Супер радио Жанко Голабоски

Вторник, 31 Август 2010 20:20

Македонија

Минатонеделното грозоморно убиство на српскиот турист, белграѓанецот Дејан Новаковиќ, во центарот на  Охрид, за жал не остана без реакција со физички напад над Македонци, во Србија.

Во саботата, на 28 август, утрото во 03:30 часот, нападнати се двајца македонски државјани, во српскиот град Смедеревска Паланка.

Нападнати се познатиот актер и радио водител Жанко Зш Голабоски и Саше Робески, двајцата од Охрид, кои биле на свадба во Смедеревска Паланка, кај свои пријатели.

Робески го извлекол подебелиот крај и се здобил со потешки телесни повреди во пределот на главата. Повредени му се едното око и устатата. Бил пренесен во болницата во Смедревска Паланка, каде му е укажана помош и му е издадено лекарско уверение за природата на повредите.

- Без никаква причина, два пати бев удрен во пределот на главата. Повикавме полиција која дојде дури утрото и бевме на болница каде ми ги санираа повредите, изјави  актерот Саше Робевски.

Нападот се случил во сендвичара во Смедеревска Паланка, од лице по име Максим кој работел како судски извршител во ова српско градче, на 80 километри од Белград.

Двајцата нападнати охриѓани биле во друштво на своите пријатели. Случајот е пријавен во полицијата, каде на повредените им се  земени изјави.

Повредените, за Супер радио, изјавија дека случајот со убиството на српскиот турист во Охрид, во тамошните медиуми добил нагласен публицитет, со интонација - „Македонци убија Србин во Охрид".

 

Ние седевме во сендвичарата со пријатели и со напагачот немавме никаков контакт. Одеднаш почувствував удар во главата. Веднаш потоа го удри и Саше со кого седевме заедно со пријателите од Србија. Настана мешаница во која Саше беше удрен уште еднаш по што падна на земјата и ја повреди главата при ударот, вели Голабоски, познат актер, радио и ТВ. водител, моментно ангажиран во Супер радио и на А1 Телевизија, во емисијата на „Браво Шоу".

 

 

< Пред		Следно >