Macedonia News

Одбележани 100 години од раѓањето на Мајка Тереза

Четврток, 26 Август 2010 22:20

Македонија

Свежи цвеќиња на местото каде се родила пред еден век, зборови полни со љубов и добрина за нејзиниот живот и за нејзиното хуманитарно дело.

На овој начин се одбележа 100 годишнината од раѓањето на скопјанката, Гонџа Бојаџиу или Мајка Тереза.

“Светот не е гладен само за леб туку и за уште повеќе љубов,, со најпозната изрека на мајка Тереза денеска Македонија одбележува 100 години од нејзиното раѓање .

Пред спомен куќата на мајка Tереза претседателот Ѓорѓе Иванов,голем број министри ,пратеници,дипломати положија свежо цвеќе.На писателот Халил Зенеди и на Олга Јотовска доктор педијатар им беше врачена државна награда мајка Тереза.

-Мајка Тереза беше и останува пример за несебична посветеност на хуманоста. Нејзината животна посветеност и грижата за сиромашните, болните, обесправените ја става во редот на најголемите хуманисти во човековата историја, а секако најголем хуманист на дваесеттиот век-изјави претседателот на Собранието Велјановски.

За нејзиното несебично дело Бојаџиу доби голем број на награди ,најзначајна е нобеловата награда за мир од 1979 година .Таа почина 5 септември 1997 година .Папата Јован Павле втори ја прогласи за светец давајќи и ја титулата ,,блажена,,. Малата жена со големо срце и хумана душа вели светот не е гладен само за леб туку и за уште повеќе љубов.