Macedonia News

Каракачанов: Македонија е бугарска

Недела, 01 Август 2010 18:00

Македонија

Красимир Каракачанов со уште една провокација до македонската нација.

На транспарент со содржина „Македонија е бугарска“ тој и неговата партија одбележуваше годишнина од Илинденското востание пред споменикот Илинденци, близу Благоеврград. 

Активисти на партијата ВМРО на контроверзниот лидер транспарентот го истакнале на почетокот на церемонијата, но не бил повлечен до крај. Според бугарската агенција БГ НЕС тоа од активистите на софиската партија го барал и актерот кој ја водел манифестацијата. Објаснил дека не станува збор за политички митинг, па затоа нема потреба од транспаренти со политичка содржина. 

За жал не го послушале. За Македонците во Бугарија оваа порака можат да ја напишат само најголемите националисти, а за жал такви многу ги има во соседната земја и не треба да изненадува, велат тие. 

„Каракчанов и неговата партија се создадени од службите на безбедност на Бугарија да работат против македонското малцинство во Бугарија и против македонско- бугарските односи. Транспарентот „Македонија е бугарска“ е израз на ставот што го делат сите националисти. Ваквите пораки не можат да се сопрат затоа што ви сите земји има вакви екстремни партии и организации кои изразуваат вакви скандалозни ставови“, вели Стојко Стојков, претседател на ОМО Илинден Пирин. 

Не е првпат, да има слични скандали на прославата на Илинден во Бугарија. Неретко во провокации од бугарска страна најчесто е вклучен Красимир Каракачанов и активисти на неговата партија.

 

 

 Видео kanal5.com.mk 

 

< Пред		Следно >