Macedonia News

Споменикот на Александар да и се подари на Атина

Среда, 21 Јули 2010 21:10

Македонија

Во знак на добра воља Владата да се откаже од антиквизацијата и да и го подари споменикот на Александар Македонски на Атина.

Ова меѓудругото како начин за покажување на сериозност пред Брисел денеска го предложија невладините организации Македонски центар за европско образование и НВО Инфоцентарот.

Во документот во кој се анализира состојбата во процесот за решавање на разликите околу спорот за името, организациите заклучуваат дека Владата треба да го реши проблемот и со што би покажала дека државата има капацитет за наоѓање компромиси. 
“Спорот за името треба да се реши веднаш и дека тоа треба да се реши во една поширока стратегија со Република Грција, Грција ќе треба веднаш да ја регрутираме да ни биде држава лобист бидејќи нејзината идеја беше Западен Балкан 2014 и треба да се излобира на ниво на ЕУ да се направи временска рамка и целен датум до кога  Западен Балкан ќе стане дел од Унијата.”-- Лидија Димова- Македонски центар за европско образование

Засега невладините организациите оценуваат дека во Македонија не се градела клима за постигнување на компромис со Грција и тоа според нив ја загрижувало Европската Унија.

“Наоѓањето на компромис со Грција се гледа како процес на виткање кичма.Ова е еден од стравовите на ЕУ, не затоа што им е многу важно како ќе го решат Македонија и Грција туку затоа што ние покажуваме дека не разбираме оти барањето компромис значи понекогаш и виткање кичма на сметка на нешто друго, ако е тоа виткање на кичма воопшто ”

Димова потенцираше и дека по усвојувањето на исабонскиот договор веќе не постои законска пречка за проширувањето додавајќи дека Брисел чека  успешна приказна од Западен Балкан.

Во тој контелст ка толкуваше и неодамнешната изјава на европратеникот Јелко Кацин кој рече дека доколку не се реши спорот за името, интересот на Унијата ќе се насочел кон Црна Гора.

< Пред		Следно >