Macedonia News

Го доживуваме како успех секој успешен реформски процес

Недела, 20 Јуни 2010 17:04

Македонија

Ние го доживуваме како успех секој успешно завршен реформски процес и секој успешно завршен критериум за членство

Ова го изјави вицепремиерот за евроинтеграции, Васко Наумоски запрашан дали го доживува како неуспех фактот што Македонија не се најде на дневен ред на самитот на ЕУ во Брисел.

„Македонија ќе продолжи успешно да ги спроведува критериумите за членство, без разлика на она што се случи. Ние ќе продолжиме со реформскиот процес. Ние и пред тоа најавуваме дека нема да не изненади доколку Грција уште еднаш го блокира почетокот на преговорите, но уверени сме дека државите членки на ЕУ и во иднина и самите институции на ЕУ и во иднина ќе продолжат да го вреднуваат напредокот на Македонија , заснова на реформите што се спроведуваат и засновано на критериумите за членство“ рече Наумовски  и додаде дека за него не е изненадување исходот на самитот..

На прашање дали има можност владата да ја прифати иницијативата на Европската иницијатива за стабилност, тој вели дека се разгледуваат сите предлози што се понудени.

„Македонија останува посветена на продолжување на преговарачкиот процес што се води под покровителство на Обединетите нации и сите предлози кои што евентуално ќе бидат понудени се разгледуваат во рамките на тој процес“ вели Наумовски.

Европската иницијатива  за стабилност вчера излезе со предлог како да се надмине македонско – грчкиот спор околу името. ЕСИ предложи промена на македонскиот Устав со евентуалното компромисно име кој би стапил на сила тогаш, кога Македонија ќе стане полноправна членка на Европската унија.

Претходно на самитот на ЕУ во Брисел, што заврши вчера Македонија не беше на дневен ред, иако првично беше најавено дека унијата ќе дискутира за Македонија за време на шпанското претседателство

< Пред		Следно >