Против Ерменија со бремето од Словачка
Вторник, 07 Септември 2010 06:30
Македонската фудбалска репрезентација, која се' уште е под импресија од несреќниот пораз во Братислава, денеска во Скопје го игра вториот дуел во групата Б од квалификациите за ЕП 2012
Психолошкиот момент по наивниот пораз од Словачка ќе биде единствена пречка денеска (20 ч.) фудбалската репрезентација на Македонија на арената „Филип Втори“ во Скопје да го победи аутсајдерот Ерменија во второто квалификациско коло за пласман на Европското првенство 2012 година, согласни се во таборот на националниот тим.
- Тоа беше навистина несреќен пораз, го имавме заслужениот бод в џеб, но на крајот останавме куси. Тоа секако ќе влијае негативно, особено што се случи пред само три дена. Но се обидуваме тоа што побргу да го заборавиме и да го оставиме зад нас - изјави Горан Пандев, најдобриот македонски фудбалер.
Селекторот Мирсад Јонуз по исклучувањето во Словачка е суспендиран за овој меч и средбата ќе ја следи од трибините, а неговото место ќе го заземе помошникот Влатко Костов.
- Сето тоа наметнува психолошки притисок над нас. Веднаш по исклучувањето на Ванче Шиков дозволивме гол во последните моменти, иако постоеја услови да го контролираме мечот. Моите избраници се исплашија по доделениот црвен картон, но јас не ги обвинувам, бидејќи останувањето присебен во такви моменти се учи од мали нозе, а во нашиот фудбал не се работи на тој план. Инаку, одлучив да внесам одбранбен играч на местото на напаѓач затоа што во тие моменти Словачка играше со четворица класични напаѓачи - истакна Јонуз. Тој најави три нови освежувања во однос на оние стартни 11-мина во Братислава.
- Се работи за две квалификациски средби една по друга, па ќе направам по една промена во одбраната, средниот ред и нападот. Овојпат во нападот ќе играме со тројца фудбалери, а и бековите ќе играат поофанзивно. Најважно во мечот со Ерменија е да се остане смирен и да ја избегнеме нервозата - наведе селекторот.
Александар Тодоровски ќе добие шанса на бековската позиција, во креирањето на играта би можел да помогне Марио Ѓуровски, а нападот би го засилил корпулентниот Стевица Ристиќ, кој како резерва имаше забележителен настап во Словачка и ќе треба да му помогне на Илчо Наумоски и Горан Пандев.
Од стручниот штаб веруваат дека за три дена успешно ќе ја трансформираат тактиката од улога на аутсајдер во Братислава до фаворит во Скопје. Ерменија ќе размислува онака како што се поставивме ние во Словачка.
- Нашите играчи се флексибилни и се прилагодуваат на повеќе начини и стилови на игра - гласеше објаснувањето на Јонуз.
Дефанзивецот Николче Новески верува дека поразот е веќе заборавен.
- Добро е тоа што имаме прилика средбите на домашен терен да ги започнеме со победа. Треба да постигнеме рано гол, а потоа да го контролираме мечот - смета командантот во одбраната.
Во таборот на македонската репрезентација беше и голманот Томе Пачовски, кој со скршена нога дојде да им даде поддршка на своите колеги од националниот тим. Јужната трибина на стадионот Филип Втори, иако првично беше пуштена во употреба за средбата Работнички - Ливерпул, ќе биде затворена и ќе продолжи да се реконструира.
| < Пред | Следно > |
|---|
Барај вести
-Вести-
Најнови
Најчитани
Архива
Сродни
Се Продава земјиште
Се Продава земјиште (нива) во с.Ботун, Охридско, одма до автопатот. Место викано Сатеска, 6-та класа, 500 m2. Цена по договор Лице за контакт: Климе 046 263 448
Читајте вести и преку мобилен едноставно внесете macedonia-news.info од вашиот мобилен телефон кој има пристап до интернет
(Не го користете мобилниот додека возите )
| | Вести | Македонија | Флеш Вести | Колумна | Временска Прогноза | Контакт | Барај | Услови за користење | |
| | Маркеринг | Услови за користење | Најава | |