На плоштадот "Македонија" ќе се гради црква, но не и џамија. На видео презентацијата  на проектот , “Скопје 2014 година“ презентиран од страна на општина Центар, не постоеше  земјиште за изградба на џамија.

Со планот се предвидува изградба на објект за градската администрација.     . Во проектот е предвиден и споменикот на Александар Велики, потоа на Гоце Делчев и Даме Груев, лавовите на мостовите, но нема ниту споменик или објект што ја симболизира историјата или културата на Албанците во Македонија.
 
“Скопје ќе го направиме пофункционален град, ќе го направиме побогат со содржини. Скопје ќе го направиме поатрактивен за туристите и Скопје ќе добие нов лик на европска метропола. За да го постигнеме сето тоа потребно беше да се создаде визија за идниот изглед на центарот на Скопје и да се развијат проекти за повеќе објекти кои ќе ја формираат таа архитектонско-урбанистичка целина“, истакна Тодоровиќ.
 
Во кругот на плоштадот "Македонија" ќе биде изградена фонтана, каде ќе биде поставен и споменикот на Александар Велики, качен на коњ. Пешачкиот мост “Око“ ќе води кон зградата на Уставниот суд, додека кај Државниот архив и археолошкиот музеј се очекува да бидат поставени бронзени скулптури  високи 2 метри. Фонтана ќе биде изградена и на плоштадот "Карпошово востание, спроти Камениот Мост. Фонтани ќе има во Вардар, а на уметничкиот мост, се планира поставување на фигурите на Тоше Проески, Кочо Рацин, Григор Прличев итн. Се предвидува и промена на фасадите на постоечките објекти за да се вклопат со новиот изглед на градот.