Жителите од Липково не можат да добијат азил на економска основа, ниту пак вработување и сместување во Белгија, беше порката што на градоначалникот на Липково Садула Дураку, денеска му ја пренесе државниот секретар за азил и имиграција Мелкиор Ватле.

Тој дојде во Липково за да се увери каква е економската состојба во овој регион во државата и апелираше до надлежните институции преку разни проекти да вложат во економскиот развој на овие села.

Во Белгија доаѓаат луѓе од овој регион, но информациите дека ќе добијат пари, куќа и работа во Белгија се погрешни. Не се вистинити. Ние не даваме азил од економски причини. Тоа треба да биде јасно, бидејќи доколку одлучат да дојдат во Белгија, ќе бидат жртви. Треба да се вратат тука и трошоците кои се направени за да дојдат од овде, не им обезбедуваат работа, куќа и пари. Треба да се вратат тука“, истакна Ватерле.

Градоначалникот на општина Липково, Садула Дураку, рече дека главните причини за заминувањето на Албанците од овој регион се социо-економските проблеми.

“Му го претставивме профилот на општината направен на три јазика, албански, англиски и македонски. Во профилот е и руралниот развој од 2009 до 2012 година, предвиден за општината. Известивме дека сите досегашни влади во Македонија не инвестираа во оваа општина и остануваме со надеж дека владата ќе се освести, но и ЕУ и оти ќе ù помогне на оваа општина и на оваа земја“, рече Дураку.

“Тоа што е за поздравување е дека сега општина Липково има спремни проекти кои се речиси за сите населени места во општината. Секако дека ние во соработка со општина Липково ќе можеме да поддржиме неколку од овие проекти врз основа на приоритетите кои ги има општината и ќе делуваме на ист начин“, изјави вицепремиерот Адеми.

Министерството за внатрешни работи идентификуваше осум лица кои учествуваа во саботниот инцидент на плоштадот „Македонија“ во кој беше повредено едно 11-годишно дете.

Најмладиот од идентификуваните е ученик во осмо одделение и е помал од 14 години, а најстариот е на возраст од 20 години.

Петмина од нив, во текот на вчерашниот ден, во присуство на родителите и на инспектори за малолетничка деликвенција, се повикани на разговор во полициска станица и по целосно документирање на случајот против Д.К.(15), С.М.(15), М.З.(15), Д.С.(17) и Б.Ф.(19) ќе биде поднесена кривична пријава поради основано сомнение дека сториле крвично дело „насилство“. На службен разговор се повикани и другите три идентификувани лица и по целосното документирање и против нив ќе следува соодветен поднесок.

Според досега документираните сознанија, до инцидентот дошло кога околу 16 часот група навивачи од фудбалскиот натпревар „Вардар“ – „Работнички“ се упатиле кон плоштадот „Македонија“ каде во близина на лизгалиштето, без никаков повод и причина, почнале вербална расправија со дел од лицата кои биле таму. Кусата вербална расправија продолжила со  фрлање бетонски коцки и метални шипки кон лизгалиштето од страна на групата навивачи при што е повредено 11-годишното дете. Единствено 19-годишниот Б.Ф., од досега идентификуваните учесници, возвратил на провокациите, фрлајќи метална шипка кон навивачите.

Повреденото дете е префрлено во Градската општа болница каде од страна на дежурниот лекар е констатирана расекотина на главата. Групата, по кратко време  избегала со трчање кон ГТЦ,  а потоа и кон паркот Жена.

МВР продолжува да работи на случајот и на евентуално утврдување и на други инволвирани лица.