Macedonia News

Нивото на Охридско Езеро три дена без промена

Вторник, 02 Март 2010 19:20

Флеш Вести

Нивото на Охридското Езеро денес е без промена во однос на вчерашниот ден, со што бележи тридневна стагнација на водостојот. Локалните реки кои се влеваат во езерото и денес бележат опаѓање на нивото, а преку портите на Црн Дрим во Струга се испуштаат 60 метри кубни во секунда.
Заради најавите од УХМР дека кон крајот на неделата се очекуваат нови врнежи од дожд, Координативното тело на Владата за справување со последиците од излевањата на денешниот состанок донесе мерки кои ќе бидат во функција на превенција.      
Во селото Пештани, охридско, екипи на ЈП Македонија пат ќе поставуваат дополнителни камени насипи во најниските делови на крајбрежјето, додека тимови на Дирекцијата за заштита и спасување во критичните делови на Охрид и Струга ќе поставуваат вреќи со песок. Активностите ќе се спроведуваат во соработка со локалните самоуправи. Езерото Глобочица има намалување на нивото за два сантиметри споредено со мерењето вчера, а преливот е намален за 9 сантиметри.
Дебарското езеро е стабилно и се овозможува испуст на водата, додека нивото на реката Радика која се влева во него е со намален водостој.
Според извештајот на АМСМ, поради висок водостој на реката Црн Дрим, на патниот правец Струга-Дебар, сообраќајот за патничките возила се пренасочува од Луково до Прискупштина и обратно по локалниот пат во должина од 4 км. Товарните возила се движат по главниот пат, но се препорачува на исклучителна внимателност

< Пред		Следно >