Macedonia News

Бошковски: Говорот на Груевски - лицемерен

Сабота, 04 Септември 2010 20:03

Флеш Вести

Лицемерен, нереален и беден бил вчерашниот отчет на премиерот Никола Груевски, оценија денеска од  Обединети за Македонија.

За претседателот на партијата, Љубе Бошковски напредокот во образованието, субвенциите за земјоделците, очајното здравство, економијата и задолженоста со кредити  се предмет за борба против организиран криминал и манипулација на народот, но и на министрите, директорите и останатите функционери во владата на Груевски, а  не нешто со што ќе се фали оваа влада. 

Бошковски владината програма ја оцени како „Богатење на фамилијата во 100 чекори, па надоградена и проширена до третото колено.“

„Господине Груевски, вие дефинитивно не зборувате за сработеното на владата во заминување напротив зборувате за криминалниот успех на вашата фамилија. Додека ги убедувавте граѓаните дека е реално да ги почувствуваат последиците од светската економска криза, подобро ќе беше да кажете колку народни пари завршија на контото на фамилијата. Обединети за Македонија и македонскиот народ од рајот кои сакавте да ни го прикажете во реалноста го доживеаа деветиот круг од пеколот. Македонија ја претворивте во земја од која секој сака да замине“, рече Бошковск