Macedonia News

Пoраз на ватерполистите од Грција

Понеделник, 30 Август 2010 19:19

Флеш Вести

Македонската ватерполо репрезентација го забележа првиот пораз на ЕП во Загреб. Во натпревар од второто коло во Б групата, Грција убедливо ја совлада Македонија со 10:5 (2:2,4:1,0:1,4:1).

Победата на Грција е сосема заслужена, нејзините ватерполисти максимално ги искористија сите шанси кои им ги отворија нашите играчи, со удари од далечина лесно ја пробиваа нашата зона. Беспрекорно, грците одигра и во одбраната, каде наметнаа жесток пресинг во текот на целиот натпревар.

Клучната предност репрезентацијата на Грција ја направи во втората четвртина, нејзините играчи во тој период постигнаа 4, а примија само еден гол. Кај нашите ватерполисти видлив беше заморот по вчерашната победа над Русија, избраниците на селекторот Нонковиќ одиграа „меко“ во одбраната и анемично во нападот. Македонија и покрај поразот ги задржа шансите за пласман на третото место на табелата.

 

Мурикис и Миралис со по два гола беа најефикасни во редовите на Грција, кај Македонија петмина постигнаа по еден гол, а голманот Перчиниќ имаше осум успешни интервенции.

Предходно во нашата Б група се одигра и дербито на денот, олимпискиот шампион Унгарија со 9:6 го совлада светскиот првак, репрезентацијата на Србија.

 

< Пред		Следно >