Macedonia News

Здружението на Македонците од Егејскa Македонија ја осуди постапка на СДСМ на собирот во Трново

Понеделник, 26 Јули 2010 19:25

Флеш Вести

Здружението на Македонците од Егејскиот дел на Македонија со седиште во Битола денеска ја осуди постапката на СДСМ на собирот во Трново, кога пратениците од оваа партија носеа маици со ликот на притворениот фармер Душко Илиевски.

- Ја осудуваме постапката на одредени пратеници, советници од политичката партија СДСМ кои беа поканети како гости да ја споделат нашата болка, а тие згазнаа на крвта на македонците од Егејскиот дел на Македонија, со тоа што нашата болка ја искористија за политички цели. Нашата света средба не е политички обоена, а е од отворен карактер за секој граѓанин што сака да се запознае со судбинините на прогонетите Македонци, стои во соопштението на организаторите на 30-тата јубилејна погранична семакедонска средба во Трново.

 

Од Здружението на Македонците од Егејскиот дел на Македонија и Заедницата на организациите на етничките Македонци протерани од Грција посочуваат дека средбата во Трново е светилиште на сите Македонци од сите делови  на Македонија и нема да дозволат на ниту една политичка партија, групи и поединци, да ја злоупотребуваат за свои политички цели.

Следно >