Macedonia News

Денеска ВМРО-НП избира в.д претседател на партијата 

Седницата се одржува по само неколку дена откако актуелниот претседател Маријан Додовски соопшти дека партијата згаснува и дека тој и поголемиот дел од членството се враќаат во ВМРО-ДПМНЕ. Од друга страна, почесниот претседател на партијата Љубчо Георгиевски ги негираше ваквите изјави на Додовски и најави консолидирање на партијата. „Љубчо Георгиевски ќе биде предложен за в.д претседател на партијата, се до свикувањето на вонредниот конгрес на кој се очекува Георгиевски официјално да биде изгласан за претседател на ВМРО-НП.

Одбележани 140 години од раѓањето на Гоце Делчев 

Со литургија и свежо цвеќе беа одбележани 140 години од раѓањето на македонскиот револуционер Гоце Делчев на неговиот гроб во црквата „Св. Спас“ во Скопје. Митриополитот на Скопската епархија Кирил во панихидата за Гоце и за другите жртви од илинденскиот период рече дека не пожалиле херојски да умрат за слободата на татковината, „за да живеат овенчани со ореолот на вечна слава“.

ВМРО –НП комплетно помина во ВМРО-ДПМНЕ 

Сите нејзини структури по хоризонтала и по вертикала. Јас како претседател, сум носителот на овој процес. Она што го познававте како ВМРО- Народна партија веќе не постои, згасна и се претопи, вели Марјан Додовски во последното интервју . Мачната атмосфера во партијата и немањето можност да придонесат со нивните знаења во реализацијата на напредокот на државата, биле пресудни за тој чекор.

Протести и контра-протести во Охрид 

Денеска активистите на СДСМ заедно со нивните директори и вработените во јавните претпријатија излегоа на протестот кој официјално беше организиран од НВО „Младински центар“. Биле револтирано од тоа што Охрид останал без болница. Протест имаше и пред Општина Охрид. Таму пак видливо беше присуството на истакнати членови на ВМРО-ДПМНЕ. - Неодговорноста на надлежните од централната власт поред се на министерството за здравство оди до таму што безобразно ги занемаруваат сите барања и повици за изнаоѓање на времено решение на овој голем проблем, утврдување на точни рокови за довршување на реконструкцијата на Општтата болница, рече Маре Ристеска од невладината „Младински Центар“.

Жерновски: СДСМ е најголемиот тројански коњ на изборите 

Најголемиот тројански коњ на овие избори е СДСМ, потенцира Андреј Жерновски во интервју за Капитал.Претседателот на ЛДП во интервјуто посочува дека СДСМ направи сценарио како со Илинденското востание кое предвремено избувна, така и со изборите кои самата партија ги побара. -Исклучително сум лут на СДСМ за ова, потенцира Жерновски. Во интервјуто за Капитал, тој ја коментира најавата на Црвенковски за формирање на широк опозициски блок. Потенцира дека за него обединување под капата на СДСМ е осудено на пропаст. Во такво обединување, ЛДП, нема да учествува.

Анализа на ЦИА од 1949 за отцепување на „Македонците“ 

Според еден извештај на ЦИА од 1949 година, кој до скоро имал статус на врвна тајна, Америка сметала на повеќе опции во тогашната Југославија, меѓу кои и Македонци да се обидат да формираат независна држава, пишува Chris Deliso за „balkanalysis.com“, анализирајќи го извештајот. Во извештајот на 12 страници, насловен „Проценка на способноста на југословенскиот режим да се спротивстави на советскиот притисок во 1949“, кој носи датум 20 јуни 1949 година, јасно се зборува за Македонци.

140 години од раѓањето на Гоце Делчев 

Утре ќе бидат одбележани 140 години од раѓањето на најголемиот македонски револуционер Гоце Делчев. По тој повод цвеќе на вечниот дом на Делчев во црквата Св.Спас во 11 часот ќе положи претседателот на Советот на Град Скопје, Ирена Мишева. А по оддржувањето на Литургијата на Македонската православна црква, цвеќе ќе положат и високи државни и странски делегации.

Во Скопје Украдени 60.000 евра од автомобил 

Лап-топ и 60.000 евра се украдени од автомобил кај хотелот „Арка“ кај Бит пазар, соопшти полицијата. Педесет и девет годишниот скопјанец Е.Т. останал без 60.000 евра и лап-топ, откако непознат сторител ги украл од неговиот автомобил. Тешката кражба се случила вчера во период од 17.15 до 17.25 часот во близина на хотелот „Арка“ на Бит пазар.

СДСМ :Антикорупциска работи во интерес на ВМРО ДПМНЕ 

Опозициската СДСМ ќе поднесе кривични пријави за злоупотреба на службената положба и овластувања против членовите на Државната комисија за спречување на корупцијата. „Членовите на комисијата кои се платени со парите на сите граѓани и земаат високи плати, единствено се машина за производство на лаги наменети за оцрнување на сите оние кои ќе го срушат од власт Никола Груевски и ВМРО ДПМНЕ“ изјави Андреј Петров, генерален секретар на СДСМ за кого ДКСК поднесе иницијатива за кривично гонење на Петров.